PËR NE

"Byroja për Çështje Ndërkombëtare të Narkotikëve dhe Zbatimit të Ligjit (INL) është pjesë e përgjigjes shumëdimensionale të Departamentit të Shtetit ndaj kërcënimeve kriminale. Duke qenë e dedikuar për forcimin e sistemeve të drejtësisë penale, kundërvënien e qarkullimit të paligjshëm të narkotikëve, dhe minimizimin e krimit trans nacional, INL luan një rol kyç në drejtimin e zhvillimit dhe sinkronizimin ndërkombëtar të ndihmës së SHBA-ve kundër drogës dhe krimit.

NCSC është një organizatë private, jofitimprurëse që ofron asistencë teknike, trajnime dhe kërkime të avancuara në sistemet e drejtësisë në 50 shtete të SHBA dhe mbarë botën. E themeluar në vitin 1971 nga drejtuesit e gjykatave amerikane për të mbajtur premtimin e Drejtësisë së barabartë sipas ligjit, sot, NCSC ndihmon akterët e sektorit të drejtësisë dhe ata të shoqërisë civile në mbarë botën për të qenë më të përgjegjshëm, të angazhuar, dhe profesionistë etik të angazhuar për Sundimin e ligjit dhe qasjes në drejtësi.

NCSC ka qenë aktive në Kosovë që nga viti 2001, duke punuar me akterët e sektorit të drejtësisë dhe shoqërinë civile për të forcuar pavarësinë e gjyqësorit, profesionalizmin dhe llogaridhënien e akterëve të sektorit të drejtësisë, si dhe angazhimin e shoqërisë civile dhe qytetarëve për të kuptuar dhe kërkuar drejtësinë. Informatat nga programet e kaluara që kanë mbështetur KGJK, KPK, MD, gjykatat, prokuroritë, dhe OAK janë arkivuar në këtë ueb faqe.